中銀Chill Card信用卡：迎新回贈及優惠2025

簡介

中銀Chill Card同其他中銀信用卡一樣，都係消費HK$1=1積分，連基本積分在內，Chill Card海外及網上簽賬享高達5%現金回贈；只要滿足簽賬要求之後，Chill商戶更可享高達10%現金回贈。

Chill Card另一大特色係可以喺每月指定嘅星期三，搶指定免費電影門票2張，每個月舉辦日期都唔同，要留意中銀嘅推廣電郵。Chill Card迎新優惠包括簽HK$5,000回贈HK$500，相等於10%現金回贈。由於呢張卡嘅其中一個target audience係年輕人，所以大學/大專院校學生都可以申請。

• 海外及網上簽賬：無門檻5%現金回贈
• Chill商戶10%現金回贈：包括全港戲院、麥當勞、UNIQLO、GU、IKEA等
• 迎新優惠：簽HK$5,000回贈HK$500
• Chill Date：每月搶免費電影、音樂會及娛樂體驗門票
• 持有中銀戶口可豁免年費

迎新優惠

由即日起至2025年12月31日，新客戶喺發卡當月及隨後兩個月內累積零售簽帳滿HK$5,000，可獲回贈HK$500，相等於10%現金回贈。

（八達通/PayMe/Alipay HK/WeChat Pay等電子錢包增值唔計零售簽帳）

迎新須知

中銀信用卡新客戶定義：過去12個月內未曾持有或取消任何信用卡主卡。

現金回贈

Chill Card現金回贈分兩種:

a) 指定Chill 商戶10%現金回贈；b) 海外及網上簽賬5%現金回贈，現金回贈推廣期至2025年6月30日。

a) 指定Chill 商戶10%現金回贈：

每月實體零售簽滿HK$1,500或以上先有10%回贈，否則只有基本回贈（HK$1=1積分）

指定Chill 商戶名單：

影視娛樂：全港戲院、Apple TV/ Music、App Store、Disney+、Google Play™、JOOX、KK Box、MOOV、Netflix、Nintendo、PlayStation、Spotify、YouTube

購物消閑：麥當勞& 麥當勞App、Pacific Coffee、Starbucks、Dyson、Samsung、Sony、UNIQLO、GU、IKEA、LOG-ON

b) 海外及網上簽賬5%現金回贈：

無最低簽賬要求，不過海外簽賬會收1.95%手續費，扣除手續費後都有3.05%回贈。

回贈上限

要留意a)同b)的現金回贈合併計算回贈上限，每月最多額外回贈HK$150，而基本積分HK$1=1分就無上限。

	合資格簽賬之額外現金回贈	「簽賬得 FUN」之積分	簽賬條件
指定Chill商戶10%現金回贈（9.6%+0.4%）	9.6%	HK$1=1 分 （相等於 0.4%現金回贈）	實體零售簽滿HK$1,500或以上
海外及網上簽賬5%現金回贈（4.6%+0.4%）	4.6%	HK$1=1 分 （相等於 0.4%現金回贈）	/

假設全部簽海外及網上，簽HK$3,260.9就已經爆回贈上限
公式：HK$150÷4.6%= HK$3,260.9

假設全部簽指定Chill商戶，簽HK$ 1,562.5就已經爆回贈上限
公式：HK$150÷9.6%= HK$1,562.5

現金回贈會直接入落戶口，淨係「簽賬得 FUN」積分要自己兌換。

積分兌換方法

• 積分兌換率為250分=HK$1，相等於0.4%現金回贈
• 平時用BOC Pay+消費之後，可以直接用積分抵銷簽賬（HK$1都得）
• BOC Pay+不時會推出限時抵銷積分推廣，可以留意中銀推廣電郵
• 登入中銀網上銀行兌換積分

兌換飛行里數

可以用中銀積分兌換里數，不過每兌換5,000里數會收HK$50手續費（如兌換里數少於 5,000 里數，亦會收取相等於兌換 5,000 里數之手續費）；每次最低收費為 HK$100，小編認為儲里數有其他更好選擇，Chill Card比較適合網上及海外消費。

其他特色

「Chill Date」搶免費飛

可以喺每個月指定嘅星期三搶免費電影、音樂會、娛樂體驗門票2張，不過要自己比購票手續費，每張門票手續費HK$10。

*搶音樂會門票嘅話，要喺音樂會舉行後3個月內以中銀Chill Card簽零售簽賬HK$3,000或以上，否則每張門票會收取HK$580。

影藝戲院星期五、六買一送一

逢星期五及六喺全綫影藝戲院用任何一張中銀信用卡購買正價戯飛，可享買一送一優惠，優惠做到2025年12月31日。

開卡頭3個月分期手續費回贈

簽賬滿HK$1,000或以上可以辦理月結單分期，分期手續費會喺交易確認後先從賬戶內扣除，獲豁免的手續費會喺3個月內，以現金回贈方式發放。

外幣及海外簽帳

用Chill Card喺海外/網上以外幣簽賬，可以有額外4.6%回贈，不過一個月簽HK$3,260.9就已經爆回贈上限。

海外簽帳手續費

外幣交易手續費係簽帳額嘅1.95%，記住如果用港幣結算，會額外收0.8%手續費。

八達通增值

八達通自動增值的增值上限係HK$3,000，基本積分回贈係HK$1=1積分，積分兌換率係250分=HK$1，相等於0.4%現金回贈，八達通自動增值每月可以享高達HK$12現金回贈。（八達通增值唔計入迎新零售簽賬）

PayMe增值

PayMe以非滙豐信用卡增值，每月上限係HK$1,000（非滙豐信用卡增值收1.2%手續費），基本積分回贈係1,000積分，亦唔計入迎新零售簽賬。

其他簽賬

其他簽賬所得嘅基本積分回贈係HK$1=1積分，積分兌換率係250分=HK$1，相等於0.4%現金回贈。

年費

Chill Card開卡第一年豁免年費，如果係中銀戶口持有人，之後可以自動豁免年費。

申請要求

年薪要求係HK$15萬，大學/大專院校學生申請可以豁免年薪要求。

總結

編輯看法：現金回贈層面嚟講，如果經常網購或者去旅行，但使費用唔大嘅話，Chill Card嘅無條件現金回贈都幾吸引，唔洗計簽到簽賬下限未；如果好清楚自己一個月用幾多錢嘅話，而又符合到Chill商戶嘅10%回贈要求嘅話，其實都唔錯。

常見問題