簡介
中銀崇光Visa信用卡優惠多多，唔單止喺SOGO指定商戶簽賬可以享有無上限5%現金回贈，用Visa Signature卡手機支付，仲可以額外再有5%現金回贈，啱晒鍾意賺現金回贈嘅你，迎新獎賞更加高達HK$650！
中銀崇光Visa信用卡分為2款，分別係中銀崇光Visa白金卡（白色）同中銀崇光Visa Signature信用卡（藍色）。要留意，只有藍色Visa Signature卡先享有手機支付（Apple Pay/Google Pay/Samsung Pay）額外5%現金回贈#，記住唔好申請錯！
呢張卡無最低簽賬要求，所有消費$HK1=1分，連同手機支付額外現金回贈，加埋相等於5.4%現金回贈，喺SOGO指定商戶簽賬更加享有無上限5%現金回贈*呀！(閱讀更多關於現金回贈信用卡文章)
#手機支付每個月回贈上限係HK$100，即簽$2,000就爆；但就算超出每月回贈上限嘅簽賬，都享有基本積分
*SOGO消費所賺嘅5%現金回贈唔可以同時獲取簽賬積分
除迎新優惠之外，中銀Visa卡可以同時登記中銀「狂賞派」優惠，喺指定類別商戶簽賬，平日可享2%回贈，紅日更可享5%回贈，詳見下文。
- 手機支付額外5%現金回贈：消費$1得1分，每月首$2,000手機支付賺額外5%現金回贈，相等於5.4%回贈
- 香港SOGO指定商戶簽賬享無上限全年5%現金回贈/SOGO超市逢星期一95折
- 日本SOGO/西武購物享5%折扣優惠；消費滿10萬日圓送HK$800香港崇光購物禮券
- 可配合中銀「狂賞派」賺額外現金回贈
- 首年年費豁免，可打電話申請豁免年費
迎新優惠
- 限時迎新優惠*
由即日起至2025年2月28日，中銀信用卡新客戶，只要成功出卡並喺4月30日前累積零售簽賬達HK$5,000或以上，可獲HK$150現金回贈嘅額外迎新優惠。
限時迎新獎賞有名額限制，只限首6,000名成功申請及符合有關消費要求嘅申請人。
*申請人可同時享有限時迎新優惠及中銀崇光Visa卡基本迎新優惠，合共賺高達HK$650迎新獎賞
- 基本迎新優惠
由即日起至2025年12月31日，新客戶喺發卡當月及隨後兩個月內累積零售簽帳滿指定數目，即可選擇以下其中一項優惠：
| 迎新優惠 | 符合條件 |
| HK$500崇光電子購物禮券 | 發卡當月及隨後兩個月內，累積零售簽賬滿HK$5,000或以上 |
| HK$300現金回贈 | 發卡當月及隨後兩個月內，以Apple Pay/Google Pay/Samsung Pay作零售簽賬，可享10%現金回贈（回贈上限為HK$300，即簽$3,000就爆） |
（八達通/PayMe/Alipay HK/WeChat Pay等電子錢包增值唔計零售簽帳）
迎新須知
中銀信用卡新客戶定義：過去12個月內未曾持有或取消任何信用卡主卡
手機支付額外5%現金回贈
中銀崇光Visa Signature信用卡（藍色*）主打喺基本積分之外（HK$1=1分），手機支付享額外5%現金回贈，相等於5.4%現金回贈。
- 手機支付（Apple Pay/Google Pay/Samsung Pay）額外5%回贈：每月回贈上限為HK$200，即每個月簽HK$2,000就爆
- 手機支付額外5%現金回贈於交易後下一個月底入賬
- 基本回贈：HK$1=1分（兌換率為250分=HK$1，相等於0.4%現金回贈）
*只有Visa Signature卡（藍色）可享手機支付額外5%現金回贈，Visa 白金卡（白色）無額外回贈
中銀信用卡積分兌換方法
- 積分兌換率為250分=HK$1，相等於0.4%現金回贈
- 平時用BOC Pay+消費之後，可以直接用積分抵銷簽賬（HK$1都得）
- BOC Pay+不時會推出限時抵銷積分推廣，可以留意中銀推廣電郵。2月8/18/28號以BOC Pay+簽賬後，可直接在BOC Pay+以88折積分抵銷簽賬
- 登入中銀網上銀行兌換積分
SOGO指定商戶享無上限全年5%現金回贈優惠
- 喺SOGO指定商戶簽賬，可享全年無上限5%現金回贈，部分商品可享高達10%現金回贈
- 假設喺SOGO指定商戶以手機支付形式消費，就可以賺全年無上限5%現金回贈+手機支付5%回贈（每月頭HK$2,000）
- 不過要留意，SOGO指定商戶5%簽賬現金回贈唔可以同時獲取簽賬積分
- 如果以手機支付消費，現金回贈會喺下一個工作日入賬
- 逢星期一SOGO超市95折
日本購物優惠
憑中銀崇光Visa卡喺日本SOGO及日本西武百貨購物，凡購物滿1,000日圓（不含稅）或以上（單一發票計），即可享5%折扣優惠。凡累積購物每滿10萬日圓（不含稅），即可獲贈HK$800香港崇光購物禮券。
日本SOGO： 橫濱店、廣島店、千葉店、大宮店
日本西武百貨： 池袋總店、澀谷店
*6間分店可以累計
和三昧日本料理9折優惠
憑卡喺香港和三昧日本料理消費，可享9折優惠，但唔適用於SOGO商戶額外5%現金回贈。
崇光百貨生日獎賞
要預先登記成為SOGO Rewards 會員，先可以兌換電子生日獎賞。
中銀「狂賞派」額外現金回贈
中銀「狂賞派」分3部分，又分為平日/紅日，紅日定義為每個星期日及公眾假期
- 1) 本地簽賬狂賞
每月累積滿HK$5,000或以上；單一簽賬淨額滿HK$500或以上： - 6大指定簽賬類別：超市百貨、電子產品、醫療體檢、餐飲食肆、機票酒店及珠寶服飾商戶
- 平日合資格網上簽賬：額外2%現金回贈（每月額外現金回贈上限：HK$120，簽HK$6,000就爆）
- 紅日合資格網上簽賬：額外5%現金回贈（每月額外現金回贈上限：HK$300，簽HK$6,000就爆）
編輯看法：對於每個月洗費唔大嘅人嚟講，好難滿足「本地簽賬狂賞」嘅要求，可以skip呢一部分，集中睇「網購狂賞」同「繳費狂賞」。 - 2) 網購狂賞
無最低簽賬要求： - 上述6大指定簽賬類別嘅網上零售簽賬無論金額大小，一律可以獲得額外現金回贈
- 平日合資格網上簽賬：額外2%現金回贈（每月額外現金回贈上限：HK$60，簽HK$3,000就爆）
- 紅日合資格網上簽賬：額外5%現金回贈（每月額外現金回贈上限：HK$200，簽HK$4,000就爆）
- 3) 繳費狂賞
無最低簽賬要求： - 除咗交稅、信用卡款項之外，水費、電話費等都計算在內
- 平日或紅日都享有額外2%現金回贈，（每月額外現金回贈上限：HK$20，簽HK$1,000就爆）
須上網登記「狂賞派」優惠，有登記名額限額，推廣期至2025年12月31日
八達通增值
八達通自動增值的增值上限係HK$3,000，基本積分回贈係HK$1=1積分，積分兌換率係250分=HK$1，相等於0.4%現金回贈，八達通自動增值每月可以享高達HK$12現金回贈。（八達通增值唔計入迎新零售簽賬）
PayMe增值
PayMe以非滙豐信用卡增值，每月上限係HK$1,000（非滙豐信用卡增值收1.2%手續費），基本積分回贈係1,000積分，亦唔計入迎新零售簽賬。
其他簽賬
其他簽賬所得嘅基本積分回贈係HK$1=1積分，積分兌換率係250分=HK$1，相等於0.4%現金回贈。
外幣交易收費
如果用港幣結算，會額外收0.8%手續費。
海外簽帳手續費
以中銀Sogo Visa卡支付外幣簽賬會收取外幣交易手續費，手續費為折算為港幣後交易額嘅1.95%。
年費
中銀崇光Visa卡首年豁免年費，其後中銀崇光Visa Signature卡年費為$2,000，中銀崇光Visa白金卡年費為$1,600。如果想申請豁免年費，可以打中銀信用卡熱線（電話：2581 5188）。
申請要求
申請人須年滿18歲，中銀崇光Visa Signature卡年薪要求為HK$300,000或以上；中銀崇光Visa白金卡年薪要求為HK$150,000或以上。
總結
編輯看法：如果你每個月嘅消費唔高，中銀崇光Visa Signature信用卡係好好嘅選擇，每個月頭$2,000嘅手機支付消費可以獲得額外5%回贈，連同基本簽賬積分有相等於5.4%回贈，喺2025年大多數銀行都cut 優惠嘅大前提嚟講，無最低消費要求咁賺5.4%回贈真係好正。假設同時利用BOC Pay+ 不時推出嘅嘅88折積分抵銷簽賬優惠，就更加抵玩。
對於經常去SOGO消費嘅人嚟講，享受無上限5%現金回贈之餘，個別指定商品最高可以有10%現金回贈優惠，再加上中銀「狂賞派」的平日/紅日額外現金回贈，可以話係2025年最抵玩嘅現金回贈信用卡之一。
常見問題
中銀崇光Visa卡首年豁免年費，其後中銀崇光Visa Signature卡年費為$2,000，中銀崇光Visa白金卡年費為$1,600。如果想申請豁免年費，可以打中銀信用卡熱線申請（電話：2581 5188）。
呢張卡無最低簽賬要求，用手機支付（Apple Pay/Google Pay/Samsung Pay）簽賬，就可以賺額外5%回贈。（每月回贈上限為HK$200，即每個月簽HK$2,000就爆）
中銀崇光Visa Signature卡年薪要求為HK$300,000或以上；中銀崇光Visa白金卡年薪要求為HK$150,000或以上。
需要預先登記成為SOGO Rewards會員，信用卡公司會喺信用卡持有人生日月份前，透過電郵或手機短訊向合資格客戶提供電子生日獎賞兌換碼。信用卡持有人可以喺SOGO Rewards App內兌換電子生日獎賞。
